ᠲᠠᠪᠤᠨᠲᠣᠯᠤᠭᠠᠢ ᠣᠷᠳᠤ ᠶ᠋ᠢᠨ ᠴᠠᠩᢈᠢ ᠠᠭᠤᠷᠬᠠᠢ ᠨᠢ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠡᠮᠦᠨᠡ ᠶ᠋ᠢᠨ ᠪᠦᠰᠡ᠂ ᠡᠮᠦᠨᠡᠭᠣᠪᠢ ᠠᠶᠢᠮᠠᠭ ᠤ᠋ᠨ ᠴᠣᠭᠲᠤᠴᠡᠴᠡᠢ ᠰᠤᠮᠤᠨ ᠳ᠋ᠤ ᠪᠠᠶᠢᠷᠢᠯᠠᠬᠤ ᠳᠡᠯᠡᢈᠡᠢ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠲᠣᠮᠤ ᠻᠣᠻᠰᠵᠢᠬᠤ ᠪᠠ ᠡᠷᠴᠢᠮ ᢈᠦᠴᠦᠨ ᠦ᠋ ᠨᠡᢉᠦᠷᠡᠰᠦᠨ ᠦ᠋ ᠣᠷᠳᠤ ᠨᠤᠭᠤᠳ ᠤ᠋ᠨ ᠨᠢᢉᠡ ᠶᠠᠭᠤᠮᠠ᠃ ᠲᠠᠪᠤᠨᠲᠣᠯᠤᠭᠠᠢ ᠶ᠋ᠢᠨ ᠨᠡᢉᠦᠷᠡᠰᠦᠨ ᠦ᠋ ᠣᠷᠳᠤ ᠠ᠋ᠴᠠ ᠨᠡᠶᠢᠯᠡᢉᠦᠯᢈᠦ ᠨᠡᢉᠦᠷᠡᠰᠦᠨ ᠦ᠋ ᠭᠠᠷᠤᠯ ᠡᢉᠦᠰᠦᠯ᠂ ᢈᠡᠮᠵᠢᠶᠡ᠂ ᠴᠢᠨᠠᠷ ᠤ᠋ᠨ ᠦᠵᠡᢉᠦᠯᠦᠯᠲᠡ ᠲᠡᠢ ᠬᠣᠯᠪᠤᠭᠠ ᠲᠠᠢ ᠶᠡᠷᠦᠩᢈᠡᠢ ᠬᠠᠷᠢᠯᠴᠠᠭᠠ ᠶ᠋ᠢ ᠵᠣᢈᠢᠴᠠᠭᠤᠯᠬᠤ ᠤᠷᠢᠳᠴᠢᠯᠠᠭᠰᠠᠨ ᢉᠡᠷᠡ ᠪᠣᠯᠤᠨ ᠨᠡᢉᠦᠷᠡᠰᠦ ᠬᠤᠳᠠᠯᠳᠤᠬᠤ᠂ ᠬᠤᠳᠠᠯᠳᠤᠨ ᠠᠪᠬᠤ ᢉᠡᠷᠡ ᠶ᠋ᠢ ᠡᠷᠳᠡᠨᠢᠰ ᠲᠠᠪᠤᠨᠲᠤᠯᠤᠭᠠᠢ ᢈᠢᠬᠤ-ᠲᠠᠢ ᠪᠠᠶᠢᠭᠤᠯᠤᠭᠠᠳ ᠪᠠᠶᠢᠨᠠ᠃ ᠨᠢᢉᠡ ᠵᠢᠯ ᠳ᠋ᠦ ᠨᠡᠶᠢᠯᠡᢉᠦᠯᢈᠦ ᠨᠡᢉᠦᠷᠡᠰᠦᠨ ᠦ᠋ ᠳᠡᢉᠡᠳᠦ ᢈᠡᠮᠵᠢᠶᠡ ᠨᠢ ᠙᠔᠐ ᠮᠢᠩᠭᠠᠨ ᠲᠣᠨ᠋ ᠨ᠋ ᢈᠦᠷᠲᠡᠯᠡ ᠪᠠᠶᠢᠬᠤ ᠪᠠ ᠨᠡᢉᠦᠷᠡᠰᠦᠨ ᠦ᠋ ᠴᠢᠨᠠᠷ ᠢ᠋ ᠳᠣᠣᠷᠠᢈᠢ ᢈᠦᠰᠦᠨᠦᢉᠲᠦ ᠳ᠋ᠦ ᠦᠵᠡᢉᠦᠯᠪᠡ᠃
